පුරසාරම් දොඩන්නා…..

Written by Administrator Wednesday, 25 August 2010 07:31

පුරසාරම් කීම සිය එක ම ජීවිකාව බවට පත්කර ගත් එක්තරා පුද්ගලයෙක් උතුරු රුසියාවේ සීතල ගම්මානයක වාසය කෙළේ ය. ඔහු වරක් සිය මිතුරකු ගේ කූඩාරම වෙත ගොස් මිතුරාට මෙසේ දන්වා සිටියේ ය.

”මා අද ඔබ සොයා ආවේ මේ ලෝකයේ වාසය කරන වඩාත් ම බුද්ධිමත් මනුෂ්‍යයා මා බව ඔබට පැවැසීමට යි”

මිතුරා ගේ කටමැත දෙඩවීම ගැන මනා අවබෝධයෙන් පසු වූ මිතුරා ඊට මෙසේ පිළිතුරු දුන්නේ ය.

”හොඳයි හෙටත් මේ වෙලාවට මා බලන්නට වරෙන්. ලෝකයේ ලොකු ම බුද්ධිමතා තෝරමු”

පුරසාරම් දොඩවන්නා ද ඊට එකඟ විය.

මීළඟ දිනයේ දී ඔහු සිය මුවා පිට නැඟී ඒ මඟ යද්දී පොළොව මත වැටී ඇති අගනා බූට් සපත්තුවක් පෙනිණි. ඔහු ඒ දෙස හොඳින් බලා ඉදිරියට ම ඇදී ගියේ මෙසේ සිතමිනි : “එකකින් ඇති වැඩේ මොකක්ද?”

එහෙත් ඔහුට නොපෙනෙන සේ පසුපසින් පැමිණි ඔහුගේ මිත‍්‍රයා මේ සපත්තුව අහුලාගෙන වෙනත් කෙටි මඟකින් ඔහු පසු කොට ගොසින් එය යළි ඔහු ගේ නෙත ගැටෙන පරිදි පොළොවේ අතහැර සැඟවී සිටින බව ඔහු දැන සිටියේ නැත.

ඒ මිතුරාගේ උපක‍්‍රමය සාර්ථක විය. පුරසාරම් කාරයාට තවත් බූට් සපත්තුවක් හමුවිය. ‘අන්න කලින් දුටු එකේ අනික් එක. හැරිලා ගිහිං මුල් එකත් ඇහිඳ ගන්න ඕනෑ”

මෙසේ සිතූ ඔහු මුවා පිටින් බැස මුල් සපත්තුව සොයා ගිය ද එය එතැන නැත! ආපිට ආවිට සිය මුවා ද අතුරුදහන් ව ඇති බව දැකිය හැකි විය.

මුවා ගේ අඩිපාර ඔස්සේ ගිය ඔහුට අභියෝගය භාරගත් මිතුරා මුවා ද සමඟ ගස් සෙවණක වාඩිගෙන හිඳිනු පෙනිණි.

ඔහුට පරාජය පිළිගන්නට සිදුවිය. පුරසාරම් දොඩවිල්ලට පාඩමක් හැටියට පයින් ම ගෙදර ගාටන්නට ද සිදුවිණි.

මෙයින් පසු ඔහු ගේ පුරසාරම් දෙඩවිල්ල නම් යළි කිසි දා අසන්නට ලැබුණේ නැත.

යුද්ධය සදහා වැයකරන මුදල් ළමා සුවසෙතට යොදන්න බැරිද?

Written by Administrator Wednesday, 25 August 2010 07:23

අද ලෝකය පනතින්නේ අස්ථාවර තත්වයකය.කොයි වේලාවේ කුමකින් කුමක් වේද යන්න නිශ්වය කර ගැනීමට අද ජිවත්වන අපට අසීරුය.බලකාමය පදනම් කරගත් ලෝකයා හැම විටම මහන්සි ගන්නේ එකෙක් පරයා අනෙකා ජය ගැනීමය.මේ නිසා අද මිනිස් සම්පතට  වඩා යුද අවියට තැන හිමි වී ඇත.මිනිස් ජිවිතයට වඩා යුද අවිය මිලකර ඇත.යුද අවි සදහා කරන වියදම අතිවිශාලය.එහෙත් මේ විනාශකාරී වියදම ලෝකයේ ජිවත්වන දරුවන්ගේ යහපත සදහා යොදවන්නෙනම් එයින් කොපමණ උදාර සේවයක් වන්නේද?

ලෝකයේ අද උපදින දරුවා අනාගත රටේ වගකීම භාරගන්නා තැනැත්තාය.ලෝකයේ දරු සම්පත අමිල සම්පතකි.ලෝකයේ අද ජිවත් වන දරුවන් ජීවත් වන්නේ බෙහෙවින්ම  අසහනකාරී තත්වයකිනි.ඔවුන්ගේ අයිතීන් ඔවුන්ට හිමි වී නැත.ඔවුන් භුක්ති විදිය යුතු වරප්‍රසාද ඔවුන්ට අහිමි වී ඇත.

එක්සත් ජාතින්ගේ සංවිධානය ලෝක ළමා ජනගහනය කෙරෙහි අවධානය යොමුකර ඇත.එම සංවිධානයේ අතුරු සංවිධානයක් වන යුනිසෙප් ආයතනය ලෝකයේ ජිවත්වන දරුවන්ගේ අනාගත සමෘද්ධිය නගා සිටුවීම සදහා බලවත් වෙහෙසක් දරනු පෙනේ.

එක්සත් ජාතින්ගේ  යුනිසෙප් ආයතනය ලෝකයේ ජිවත්වන ළමා පරපුරේ ඉදිරි ගමන සදහා විවිධ යෝජනා තහහුර කර තිබේ.දරුවන්ගේ අනාගත දියුණුවට අවශ්‍ය වන කාරණා ,ජාත්‍යන්තර වශයෙන් සැළකිල්ලට ගැනීම යුනිසෙප් ආයතනයේ කාර්යන්ය.

අද ජිවත් වන දරුවන්ගෙන් 40% මන්දපෝෂණයෙන් පෙළෙන බව ගණන් බලා තිබේ.කුඩා කාලයේදීද ,දරු ප්‍රසූතයේ දී ද මියයන ගණන ලක්ෂ සංඛ්‍යාතය දෛනිකව සිදුවන ළදරු මරණ අසීමිතය.මෙම රෝග තත්වයන් සමනය කිරීම සදහා ඖෂධ වර්ග නිසි පරිදි රෝගී දරුවන්ට අවශ්‍ය වේ. මේ සදහා අවශ්‍ය වන මුදල් සම්භාරය ඩොලර් කෝටි ගණනකි. එසේ නම් යුධ අවියට හි යුද්ධයට කෙරෙන අති විශාල වියදම, විශ්ව ළමා පරපුර වෙනුවෙන් වැය කිරීමට හැකි කමක්, යුද වැද සිටින බලකාමී බලවතුන්ට සිහියට නගා ගැනීමට හැකි වන්නේ නම්,එමගින් ළමා පරපුරේ සුවසෙත ලගා කර ගැනීමට හැකියාව ලැබෙන්නේය.

සගයා……

Last Updated on Wednesday, 25 August 2010 03:08 Written by Administrator Monday, 23 August 2010 10:24

හිරු පෘථිවියට ඉහළින් සිටිමින් මිනිසාට ජීවිතය දෙයි.

හිරුත් සමඟ දවස අරඹන මිනිසාට හිරු ගේ අගය වැටහෙන්නේ නැත. ඒ හෙට හිරු පායන බවට ඔහුට සැකයක් නැති බැවිනි.

සොබාදහම එසේ ය. නොවෙනස් ය. ගතික මානව සමාජයේ ස්ථාවරත්වයට උපමා සපයන හිරුගේ අගය මිනිසා තේරුම් නොගනී. ඒ ඔහු ගතිකත්වය අතර නොනැසී පවතිනු පිණිස අරගලයක නිරත වන බැවිනි.

එම අරගලයෙන් මොහොතක් මිදී හිරු දෙස බලන්න. සිත සැනසෙනු ඇත. විශ්වාසදායී එක් සගයකු හෝ මිනිස් වර්ගයා සතුව සිටින බව වැටහී යාම එයට හේතුව ය.

තරගය හමුවේ අරමුණු අමතක වීම..

Last Updated on Monday, 02 August 2010 08:02 Written by Administrator Monday, 02 August 2010 07:54

මේක පුංචි චීන කතාවක්.
ඔන්න චීනයේ ඉතාමත් වේගයෙන් දිව්ය හැකි ධාවකයෙක් හිටියා.ඔහු තරම් දිවීමෙන් පැරදවිය හැකි කෙනෙක් රටේම හිටියේ නෑ.
දිනක් මේ ධාවකයාගේ නිවසට රිංගා ගත් සොරෙකු ඹහු සතු වටිනා බඩු භාණ්ඩ සොරාගෙන දුවන්නට වුණා.
සොරා පැන යන ශබ්දය ඇසී ධාවකයා ඇහැරුණා.
“ඒයි නැවතියං..........උඹ දන්නේ නැද්ද කාටවත් මයෙත් එක්ක දුවලා බේරෙන්න බැරි බව”
ධාවකයා ගෝරණාඩු කළා.සොරා තවත් වේගයෙන් දිව්වා.
“උඹ හිතුවද දුවලා මාව පරද්දන්න..?මං තමයි මේ පළාතේ ඉන්න හොදම ධාවකයා.තවම කවුරුත් මාව පරද්දලා නෑ.”
ධාවකයා සිය වේගය දෙගුණ තෙගුණ කරමින් සොරා පසු පස දුවන්නට වුණා.මෙසේ දුවන ධාවකයාට අතරමගදී මිතුරෙකු මුණ ගැහුණා.
“මොකද මේ දාඩිය දාගෙන දුවන්නේ....?මිතුරා ධාවකයාගෙන් විමසුවා.
“මං මේ හොරෙක් පස්සේ එලවනවා.”ධාවකයා පිළිතුරු දුන්නා.
“ඉතින්...කෝ....හොරා..?”මිතුරා ඇසුවා
“හොරාද ?..........ඌ තාම මට හැතැප්ම දෙක තුනක් පිටිපස්සේ”ධාවකයා කිව්වා.

බලන්න තරගය හමුවේ අරමුණු අමතක වෙන හැටි.ධාවකයාගේ අරමුණ තමයි සොරාව අල්ල ගන්න එක.නමුත් තරගය නිසා අරමුණ අමතක උනා.අපි හැමෝම තරගවලට මුහුණ දෙනවා.ශිෂ්‍යත්ව විභාගය, O/L , A/L  වැනි විභාගවලට අපි මුහුණ දෙනවා.අපගේ අරමුණ තමයි විභාග පාස් වෙන එක.විභාගය කියන එකට හොද තරගයක් තියෙනවා.මේ තරගය නිසා බොහෝවිට අරමුණු අමතක වෙනවා.

කොළ සෑදීමට ගන්නා හා නොගන්නා කොළ වර්ග ගැනත්,බත් පීසිමට සහල් ගැරීම සදහා නැඹිලිය වඩාත්ම උචිත භාජනය බවත්, කුඹුරේ ලියද්දකින් තවත් ලියැද්දකට වතුර බැස යාමට නියරේ කපා ඇති මාර්ගය වක්කඩ බවත් , ලියා පදිංචි තැපැලෙන් යැවීමට රු.30 ක මුද්දර ඇලවිය යුතු බවත් දැන සිටින්නේ නම් අපට තරගය හමුවේ  අරමුණු අමතක වන්නේ නැත.